Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 161 Hüküm no: 171 Orijinal metin no: [16a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Agop v. Asvador’un Ali Beşe b. Osman’dan karzdan on beş guruş alacağı olduğu Ma‘rûz Galata’da mütemekkin Agop v. Asvador zimmî Galata Bâb Mahkemesi’nde meclis-i şer‘de Ali Beşe b. Osman muvâcehesinde mezbûr Ali Beşe zimmetinde cihet-i karzdan on beş guruş alacak hakkım olmağla hâlâ taleb ederim deyü da‘vâ eyledikde ol dahi cevâbında ikrâr lâkin müdde‘î-i mersûm Agop zimmî gāib ani’l-meclis İstefan v. Yorgi zimmî üzerine üçümüz bir meclisde hâzır iken deyn-i mezkûr ile beni havâle-i mutlaka ile havâle ve herbirimiz havâle-i mezkûreyi kabûl etmişidik deyü ba‘de’d-def‘ ve’l-inkâr dâfi‘-i mezbûr Ali Beşe def‘-i mezkûruna ikāmet-i beyyine edemeyip bi’t-taleb müdde‘î-i mersûm Agop zimmî ba‘de’t-tahlîfü’ş-şer‘î mûcebince meblağ-ı mezkûr on beş guruşu müdde‘î-i mersûm Agop zimmîye edâ ve teslîme mezbûr Ali Beşe’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 3 R sene [1]221.