Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 160 Hüküm no: 170 Orijinal metin no: [15b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamal Hacı Abdullah’ın damadı Kahveci Seyyid Mehmed’den karzdan dört yüz yirmi yedi guruş alacağı olduğu Galata’da sâkin Hamal el-Hâc Abdullah b. Ali mahfil-i kazâda damadı Kahveci es-Seyyid Mehmed b. el-Hâc Ahmed muvâcehesinde damadım mezbûr zimmetinde cihet-i karzdan dört yüz yirmi yedi guruş alacak hakkım olmağla hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr lâkin müdde‘î-i mezbûr el-Hâc Abdullah meblağ-ı mezkûr dört yüz yirmi yedi guruşu bana hibe ve temlîk ben dahi ittihâb ve kabz ve umûruma sarfla istihlâk etmişidim deyü ba‘de’d-def‘ ve’l-inkâr dâfi‘-i merkūm es-Seyyid Mehmed def‘-i mezkûruna ikāmet-i beyyine edemeyip bi’t-taleb mezbûr el-Hâc Abdullah ba‘de’t-tahlîfü’ş-şer‘î mezbûr es-Seyyid Mehmed’in ikrârı mûcebince lâzım gelen meblağ-ı mezkûr dört yüz yirmi yedi guruşu müdde‘î-i mezbûr el-Hâc Abdullah’a edâ ve teslîme mezbûr es-Seyyid Mehmed’e tenbîh olunduğu huzûr-ı âlîlerine i‘lâm olundu. Fî 9 R sene [1]221.