Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 166 Hüküm no: 179 Orijinal metin no: [16b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgancı Seyyid Abdullah’ın sattığı eşya bedelinden Manuk v. Serkiz’den otuz dokuz guruş alacağı olduğu Yorganî es-Seyyid Abdullah b. es-Seyyid Mehmed nâm kimesne Galata Bâb Mahkemesi’nde meclis-i şer‘de Galata’da mütemekkin şerbetçi hizmetkârlarından Manuk v. Serkiz nâm zimmî muvâcehesinde mersûm Manuk zimmî bundan akdem bi-safkatin vâhidetin yedimden ve mâlımdan iştirâ ve kabz eylediği kıtık memlû Kıbrıs basması üç yorgan ve yapağı memlû Kıbrıs basması bir şilte ve bir baş yasdığı semeninden seksen bir guruşdan bâkī zimmetinde otuz dokuz guruş alacak hakkım olmağla hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı bâkī-i mezkûr otuz dokuz guruşun müdde‘î-i mezbûr es-Seyyid Abdullah’a edâsıyla mersûm Manuk zimmî ilzâm olunduğu bi’[l]-iltimâs huzûr-ı âlîlerine i‘lâm olundu. Fî 10 R sene [1]221.