Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 169 Hüküm no: 184 Orijinal metin no: [17b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Reis’in mellâhlardan Ahmed ve Ali’den yirmişer guruş alacağı olduğu Sefîne reislerinden Mehmed Reis b. Mustafa nâm kimesne Galata Bâb Mahkemesi’nde meclis-i şer‘de mellâhları Ahmed b. İsmail ve Ali b. Mustafa nâm kimesneler muvâcehelerinde mezbûrândan herbiri zimmetinde cihet-i karzdan alacak hakkım olan yirmi beşer guruşdan ücret-i mellâhiyyeden zimmetimde herbirine deynim olan beşer guruşa ba‘de’t-takās ve’l-mahsûb bâkī kalan yirmişer guruşu mezbûrândan taleb ederim deyü da‘vâ etmekde onlar dahi ber-vech-i muharrer ikrâr u i‘tirâf etmeleriyle alâ-mûcibi ikrârihîmâ meblağ-ı bâkī-i mezkûr yirmişer guruşun müdde‘î-i mezbûr Mehmed Reis’e edâsıyla herbiri ilzâm olunduğu bi’[l]-iltimâs huzûr-ı âlîlerine i‘lâm olundu. Fî 15 R sene [1]221.