Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 169 Hüküm no: 186 Orijinal metin no: [17b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail Ağa’nın Yeniköy subaşılığı tahsilatından zimmetinde kalan ortağı Süleyman Ağa’nın hissesini iki gün içerisinde ödemeye söz verdiği Sâhib-i arzuhâl Fâtıma Hatun’un oğlu hâssa hasekilerinden Süleyman Ağa b. Mehmed Galata Bâb Mahkemesi’nde meclis-i şer‘de hâlâ Yeniköy’de subaşı derûn-ı arzuhâlde ismi mezkûr İsmail Ağa b. İbrahim muvâcehesinde Galata voyvodalığına merbûta karye-i merkūme subaşılığı sene-i sâbıkā Martı gurresinden Şubatı gāyetine gelince ale’l-iştirâk uhdemizde olup mezbûr İsmail Ağa subaşılık tahsîlâtından cem‘ ve tahsîl eylediği meblağdan benim hisseme isâbet eden sekiz yüz yirmi sekiz buçuk guruşun altı yüz yetmiş sekiz buçuk guruşunu bana teslîm ve bâkī yetmiş guruşu mütâlebesine müte‘allika da‘vâdan kabûlü hâvî zimmetini ba‘de’l-ibrâ mâ‘adâ seksen guruş umûruna sarfla istihlâk etmekle iki gün tamamına değin tamamen seksen guruşu bana edâ ve îfâya ta‘ahhüd eyledi deyü ikrâr ve tasdîkleri mübâşirleri Çukadâr Halil yediyle huzûr-ı âlîlerine i‘lâm olundu. Fî 16 R sene [1]221.