Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 173 Hüküm no: 193 Orijinal metin no: [18a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Avanis v. David’in Yahya b. Osman aleyhine açtığı alacak davasında iddiasını ispat edemediği Habbâz destgâhdârlarından arzuhâl eden Avanis v. David nâm zimmî Galata Bâb Mahkemesi’nde meclis-i şer‘de derûn-ı arzuhâlde mezkûrü’l-ism Yahya b. Osman nâm kimesne muvâcehesinde mezbûr Yahya târih-i i‘lâmdan beş sene mukaddem Anadolu’da Eğin kazâsına tâbi‘ İliç karyesinde yüz seksen guruşumu bi-gayr-ı hak ahz etmekle hâlâ taleb ederim deyü ba‘de’d-da‘vâ ve’l-inkâr müdde‘î-i mersûm Avanis zimmî ber-vech-i [muharrer] müdde‘âsına ikāmet-i beyyine edemeyip bi’t-taleb mezbûr Yahya ba‘de’t-tahlîfü’ş-şer‘î mûcebince müdde‘î-i mersûm Avanis zimmî da‘vâ-yı mezkûresiyle mezbûr Yahya’ya bilâ-beyyine mu‘ârazadan men‘ olunduğu bi’l-iltimâs huzûr-ı alîlerine i‘lâm olundu. Fî 16 Rebî‘ülâhir sene [1]221.