Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 173 Hüküm no: 195 Orijinal metin no: [18a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Beygir kiracısı Mehmed Beşe’nin atına vurarak zarar verdiği iddiasıyla David v. Arakil aleyhine açtığı tazminat davasında iddiasını ispat edemediği Bârgir kirâcılarından Mehmed Beşe b. Ali nâm kimesne Galata Bâb Mahkemesi’nde meclis-i şer‘de David v. Arakil nâm zimmî muvâcehesinde mersûm David zimmî târih-i i‘lâmdan dört gün mukaddem yedimde mâlım olan yüz elli guruş kıymetli bir re’s bârgirimin sağ gözüne yular ile amden darbedip ziyâsına halel gelip kıymet-i mezkûresine noksan terettüb etmekle noksan kıymetini zimmî-i mersûmdan tazmîn taleb ederim deyü ba‘de’d-da‘vâ ve’l-inkâr müdde‘î-i mezbûr Mehmed Beşe ber-vech-i muharrer müdde‘âsına ikāmet-i beyyine edemeyip bi’t-taleb mersûm David zimmî ba‘de’t-tahlîfü’ş-şer‘î mûcebince müdde‘î-i mezbûr Mehmed Beşe da‘vâ-yı mezkûresiyle mersûm David zimmîye bilâ-beyyine mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 18 R sene [1]221.