Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 180 Hüküm no: 210 Orijinal metin no: [19b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid İbrahim Reis’in kereste taşıma ücreti olarak tâcirler Petro ve Kiryako’dan altı yüz yetmiş yedi guruş yirmi altı para alacağı olduğu Sefîne reislerinden es-Seyyid İbrahim Reis b. es-Seyyid Ali nâm kimesne Galata Bâb Mahkemesi’nde meclis-i şer‘de tüccârdan Petro v. Kecu ve Kiryako v. Yani nâm zimmîler muvâcehelerinde zimmîyân-ı mersûmân Petro ve Kiryako zimmetlerinde sefîneme vaz‘ ve tahmîl eyledikleri kereste-i mütenevvi‘a-yı ma‘lûme navlunundan cem‘an altı yüz yetmiş yedi guruş yirmi altı para alacak hakkım olmağla hâlâ taleb ederim deyü da‘vâ eyledikde onlar dahi cevâblarında ber-vech-i muharrer herbiri tâyi‘an ve kat‘iyyen ikrâr u i‘tirâf etmeleriyle alâ-mûcibi ikrârihîmâ meblağ-ı mezkûr altı yüz yetmiş yedi guruş yirmi altı parayı müdde‘î-i mezbûr es-Seyyid İbrahim Reis’e edâsıyla zimmîyân-ı mersûmân Petro ve Kiryako ilzâm olundukları tescîl ve bi’[l]-iltimâs huzûr-ı âlîlerine i‘lâm olundu. Fî 28 R sene [1]221.