Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 184 Hüküm no: 216 Orijinal metin no: [20a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ferhana bt. Selim’in mehir, nafaka, barınma bedelinden ve karzdan boşandığı kocası Seyyid İbrahim’den otuz dokuz guruş alacağı olduğu Galata’ya muzâfe kasaba-i Kasımpaşa’da Seferikoz Mahallesi’nde sâkine ve zâtı mu‘arrefe Ferhana bt. Selim nâm hatun Galata Bâb Mahkemesi’nde meclis-i şer‘de zevc-i mutallıkı es-Seyyid İbrahim b. es-Seyyid Ahmed nâm kimesne muvâcehesinde mezbûr es-Seyyid İbrahim yirmi beş guruş mehr-i müeccel tesmiyesiyle zevc-i dâhilim olup târih-i i‘lâmdan iki gün mukaddem talâk-ı selâse ile beni tatlîk etmekle zimmetinde mütekarrir ve ma‘kūdun-aleyh mehr-i müeccel hakkım olan yirmi beş guruş ile cihet-i karzdan zimmetinde alacak hakkım olan dört guruş nafaka-i iddet-i ma‘lûme ve meûnet-i süknâm için bi’t-terâzî ta‘yîn olunan on guruş ki min-haysü’l-mecmû‘ otuz dokuz guruşu hâlâ taleb ederim deyü da‘vâ eyledikde ol dahi ber-vech-i muharrer ikrâr u i‘tirâf etmeğin mûcebince meblağ-ı mecmû‘-ı mezkûr otuz dokuz guruş müdde‘iye-i mezbûre Ferhana Hatun’a edâsıyla mezbûr es-Seyyid İbrahim ilzâm olunduğu bi’[l]-iltimâs huzûr-ı âlîlerine i‘lâm olundu. Fî 3 R sene [1]221.