Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 185 Hüküm no: 219 Orijinal metin no: [20b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Yahya’nın üçüncü bir şahıstan satın alınan cariyeye velâyetinden dolayı Kileci Seyyid Davud’dan dellaliye ücreti talep etmesinin meşru olmadığı Galata’ya muzâfe kasaba-i Kasımpaşa’da Küçük Piyale Paşa Mahallesi’nde sâkine mu‘arrefetü’z-zât Fâtıma bt. Yahya nâm hatun Galata Bâb Mahkemesi’nde meclis-i şer‘de Kileci es-Seyyid Davud b. es-Seyyid Ömer nâm kimesne muvâcehesinde gāib ani’l-meclis ismi ma‘lûmum olmayan bir kimesne yedinde olan câriye-i memlûkesini altı yüz elli guruş semen-i makbûza mezbûr es-Seyyid Davud’a bey‘ ve teslîmi için ben teberru‘an velâyet etmemle binâen-aleyh mezbûr es-Seyyid Davud ücret-i dellâliye olmak üzere bana mâlından bir mikdâr meblağ versin deyü tasaddî eylediği da‘vâsına iltifât olunmayıp mezbûr es-Seyyid Davud’a bî-vech mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 3 Cumâdelûlâ sene [1]221.