Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 186 Hüküm no: 221 Orijinal metin no: [20b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Abdullah’ın karzdan damadı Hasan Beşe b. Ali’den yüz otuz altı guruş alacağı olduğu Zâtı şer‘an mu‘arrefe Âişe bt. Abdullah nâm hatun Galata’da mahfil-i kazâda damadı Hasan Beşe b. Ali nâm kimesne muvâcehesinde mezbûr Hasan Beşe zimmetinde cihet-i karzdan bâ-temessük yüz otuz altı guruş alacak hakkım olmağla hâlâ taleb ederim deyü da‘vâ eyledikde ol dahi cevâbında ber-vech-i muharrer ikrâr u i‘tirâf lâkin meblağ-ı merkūmu tamamen müdde‘iye-i mezbûreye def‘ u teslîm edip zimmetim berî olmuşdur deyü ba‘de’d-def‘ ve’l-inkâr dâfi‘-i merkūm ber-vech-i muharrer def‘-i mezkûruna ikāmet-i beyyine edemeyip bi’t-taleb mezbûre Âişe Hatun ba‘de’t-tahlîfü’ş-şer‘î mûcebince meblağ-ı mezkûr yüz otuz altı guruşu müdde‘iye-i mezbûreye edâ ve teslîme mezbûr Hasan Beşe’ye tenbîh olunduğu bi’[l]-iltimâs huzûr-ı âlîlerine i‘lâm olundu. Fî 3 Ca sene [1]221.