Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 206 Hüküm no: 262 Orijinal metin no: [24b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kerpiççi Artin’in alacağı olduğu iddiasıyla ortağı Sandalcı Pavli aleyhine açtığı davada otuz guruşa sulh olduğu Kerpiççi Artin v. Panos nâm zimmî Galata Bâb Mahkemesi’nde meclis-i şer‘de mukaddemâ şerîki Sandalcı Pavli v. Canbor nâm zimmî muvâcehesinde mersûm Pavli zimmî zimmetinde zahîre semeninden on yedi guruş ve bir re’s bârgir semeni olmak üzere makbûz olan yirmi guruş ve mâl-ı şirketden dahi on guruş ki cem‘an kırk yedi guruş alacağım olmağla taleb ederim deyü tasaddî eylediğim da‘vâmdan bâ-vesâtet-i muslihîn mersûm Pavli zimmî ile otuz guruşa ba‘de’s-sulh ve’l-kabûl bedel-i sulh-ı mezkûrdan mâ‘adâ on yedi guruş mütâlebesine müte‘allika da‘vâdan mersûm Pavli zimmînin zimmetini kabûlü hâvî ba‘de’l-ibrâ ibrâdan müstesnâ bedel-i sulh-ı mezkûr otuz guruşu taleb ederim deyü ba‘de’d-da‘vâ ve’l-ikrâr alâ-mûcibi ikrârihi bedel-i sulh-ı mezkûr otuz guruşun müdde‘î-i mersûm Artin zimmîye edâsıyla mersûm Pavli zimmî ilzâm olunduğu bi’[l]-iltimâs huzûr-ı âlîlerine i‘lâm olundu. Fî 21 Ca sene [1]221.