Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 211 Hüküm no: 270 Orijinal metin no: [25b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamamcı Hacı Osman’ın tasarrufundaki berber dükkanı ve kahvehanenin kiracısı Aci Yani v. Yorgi’den hissesine isabet eden kira ücretini tahsil ettiği Galata’da Karaköy Kapısı hâricinde boyacı dükkânı karşısında kâin bir kıt‘a berber dükkânı ve kahvehânenin ber-vech-i âtî hisse-i ma‘lûmesine bi’l-icâreteyn mutasarrıf Hammâmî el-Hâc Osman b. el-Hâc Osman’ın oğlu ve tarafından sâbitü’l-vekâle vekîli Abdülhamid Ağa Galata Bâb Mahkemesi’nde meclis-i şer‘de Aci Yani v. Yorgi nâm [zimmî] muvâcehesinde dükkân-ı merkūmun şehriye dokuz guruş i‘tibârıyla yüz elli para hissesi müvekkilim mezbûrun tasarrufunda ve zimmî-i mersûmun taht-ı icâresinde olmağla sene-i sâbıkā Saferi’nin yirminci gününden târih-i i‘lâma gelince on beş ayda icâre-i merkūmeden müctemi‘a elli altı guruşu on parayı müvekkilim mezbûr için bana zimmî-i mersûm def‘ u teslîm eyledikde ben dahi yedinden bi’l-vekâle ahz u kabz eyledim deyü ikrâr ve tasdîkleri tescîl ve bi’[l]-iltimâs huzûr-ı âlîlerine i‘lâm olundu. Fî 24 Ca sene [1]221.