Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 212 Hüküm no: 272 Orijinal metin no: [25b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice bt. Mehmed’in evinde haksız yere oturduğu iddiasıyla oğlu Demirci Mehmed Beşe ve gelini aleyhine açtığı tahliye davasında haklı olduğu Sâhibe-i arzuhâl Hadice bt. Mehmed nâm hatun Galata Bâb Mahkemesi’nde meclis-i şer‘de sadrî kebîr oğlu derûn-ı arzuhâlde mezkûrü’l-ism Demirci Mehmed Beşe b. Ali nâm kimesne muvâcehesinde oğlum mezbûr Mehmed Beşe ile zevcesi gāibe ani’l-meclis Zenciye Âişe bt. Abdullah Galata’da Emekyemez Mahallesi’nde vâki‘ bir bâb mülk menzilimde fuzûlî bi-gayr-ı hakkın sâkine olmalarıyla menzil-i mezkûru tahliye ve bana teslîme oğlum mezbûr Mehmed Beşe’ye tenbîh olunmak matlûbumdur [deyü] da‘vâ eyledikde ol dahi ber-vech-i muharrer ikrâr u i‘tirâf etmeğin mûcebince menzil-i mezkûru tahliye ve mâliki vâlidesi müdde‘iye-i mezbûre Hadice Hatun’a teslîme mezbûr Mehmed Beşe’ye tenbîh olunduğu mübâşirleri es-Seyyid Mustafa Çavuş kulları yediyle huzûr-ı âlîlerine i‘lâm olundu. Fî-gurreti C sene [1]221.