Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 217 Hüküm no: 285 Orijinal metin no: [27a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid İbrahim Beşe’nin ismini bilmediği bir kadının alacağı için vekili sıfatıyla Kara Mariko bt. Yani aleyhine açtığı alacak davasının meşru olmadığı es-Seyyid İbrahim Beşe b. Hüseyin nâm kimesne Galata’da mahfil-i kazâda İzmir ahâlîsinden Kara Mariko bt. Yani Nasrâniye muvâcehesinde İzmir ahâlîsinden olup ismi ma‘lûmum olmayan bir hatunun Nasrâniye-i mersûme zimmetinde altı guruş alacağı olmağla dâyine-i mezbûrenin zevci gāib ani’l-meclis es-Seyyid el-Hâc İbrahim Ağa meblağ-ı mezbûru da‘vâ ve ahza beni tevkîl etmekle mücerred zevci tarafından vekâletime binâen meblağ-ı mezbûru bana edâya Nasrâniye-i mersûmeye tenbîh olunması matlûbumdur deyü tasaddî eylediği da‘vâsı meşrû‘a ve mu‘tebere olmadığı kendiye tefhîm-birle bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 6 C sene [1]221.