Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 218 Hüküm no: 286 Orijinal metin no: [27a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Avanis v. Kiragos’un “Grovana” marka saatini haksız yere aldığı iddiasıyla Armik v. Artin aleyhine açtığı davada iddiasını ispat edemediği Avanis v. Kiragos nâm zimmî Galata Bâb Mahkemesi’nde meclis-i şer‘de Armik v. Artin nâm zimmî muvâcehesinde mersûm Armik zimmî târih-i i‘lâmdan bir gün mukaddem “Grovana” tâ‘bir olunur seksen guruş kıymetli bir sa‘atimi bi-gayr-ı hakkın ahz etmekle mevcûd ise aynını müstehlek ise ba‘de’s-sübût kıymet-i mezkûresini mersûm Armik zimmîden tazmîn taleb ederim deyü ba‘de’d-da‘vâ ve’l-inkâr müdde‘î-i mersûm Avanis zimmî ber-vech-i muharrer müdde‘âsına ikāmet-i beyyine edemeyip bi’t-taleb mersûm Armik zimmî ba‘de’t-tahlîfü’ş-şer‘î mûcebince müdde‘î-i mersûm Avanis zimmî da‘vâ-yı mezkûresiyle mersûm Armik zimmîye bilâ-beyyine mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 2 C sene [1]221.