Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 227 Hüküm no: 305 Orijinal metin no: [29a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halatçı Hacı Osman’ın alacağı olduğu iddiasıyla kiracısı Tütüncü Serkiz aleyhine açtığı davada iddiasını ispat edemediği Galata’da sâkin Halatçı el-Hâc Osman b. Abdullah Galata’da mahfil-i kazâda Tütüncü Serkiz v. Kazar zimmî muvâcehesinde bi’l-icâreteyn tasarrufumda olan Galata’da Karaköy Kapısı hâricinde vâki‘ bir kıt‘a tütüncü ve ittisâlinde bir kıt‘a yaymacı dükkânlarında beher şehr on üç guruş kirâ ile müşâhereten müstecirim olmağla icâre-i mezkûreden târih-i i‘lâma gelince mesfûrun zimmetinde müctemi‘ yüz yetmiş altı guruşun yüz altı guruşunu yedinden ba‘de’l-ahz bâkī yetmiş guruşunu bana vermemekle hâlâ taleb ederim deyü da‘vâ eylediğimde ol dahi cevâbında ber-vech-i muharrer ikrâr lâkin meblağ-ı bâkī-i mezkûru dahi kendiye edâ etmişidim deyü eylediği def‘ini Ali Ağa b. Abdullah ve Mehmed b. Hüseyin ve Kara Mustafa b. el-Hâc Veliyüddin ve el-Hâc Ömer b. el-Hâc Ali nâm dört nefer kimesneler şehâdetleriyle isbât etmeğin mûcebince müdde‘î-i mezbûr el-Hâc Osman meblağ-ı bâkī-i mezkûr yetmiş guruş mütâlebesiyle mersûm Serkiz zimmîye bî-vech mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 4 C sene [1]221.