Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 229 Hüküm no: 309 Orijinal metin no: [29b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fermeneci Kostantin’in şalvar bedelinden Camcı Ali Beşe’den on guruş alacağı olduğu Galata’da mütemekkin Fermeneci Kostantin v. Dimitri nâm zimmî Galata Bâb Mahkemesi’nde meclis-i şer‘de Camcı Ali Beşe b. Mustafa nâm kimesne muvâcehesinde mezbûr Ali Beşe zimmetinde işbu meclis-i şer‘de mu‘âyene olunan kırmızı çuka şalvar semeninden altmış iki guruşdan bâkī on guruş alacak hakkım olmağla hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr u i‘tirâf etmeğin alâ-mûcibi ikrâri[hî] meblağ-ı bâkī-i mezkûr on guruşun müdde‘î-i mersûm Kostantin zimmîye edâsıyla mezbûr Ali Beşe ilzâm olunduğu huzûr-ı âlîlerine i‘lâm olundu. Fî 16 C sene [1]221.