Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 238 Hüküm no: 325 Orijinal metin no: [31a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hızarcı Abdülkerim’in havaleden Sandıkçı Feyzullah Beşe’den elli yedi buçuk guruş alacağı olduğu Hızarcı Abdülkerim b. Mehmed nâm kimesne Galata Bâb Mahkemesi’nde meclis-i şer‘de Sandıkçı Feyzullah Beşe b. Mustafa nâm kimesne muvâcehesinde benim gāib ani’l-meclis Çilingir Mehmed Beşe b. Abdullah zimmetinde cihet-i karzdan elli yedi buçuk guruş alacak hakkım olup medyûnum mezbûr Mehmed Beşe deyn-i mezkûr ile beni Feyzullah Beşe üzerine üçümüz bir meclisde hâzır iken havâle-i mutlaka ile havâle ve her birimiz havâle-i mezkûreyi kabûl etmişidik bu vechile cihet-i havâleden mezbûr Feyzullah Beşe zimmetinde alacağım olan meblağ-ı mezkûr elli yedi buçuk guruşu mezbûr Feyzullah Beşe’den taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı mezkûr elli yedi buçuk guruşun müdde‘î-i mezbûr Abdülkerim’e bi-hükmi’l-havâle edâsıyla mezbûr Feyzullah Beşe ilzâm olunduğu bi’l-iltimâs huzûr-ı âlîlerine i‘lâm olundu. Fî 23 C [Cemâziyelâhir sene [1]221.]