Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 239 Hüküm no: 327 Orijinal metin no: [31b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yelkenci Mehmed Said ve kız kardeşi Hafize’nin elli sene önce ölen annelerinden kendilerine kaldığını iddia ettikleri arsa hissesini zapt ettiği iddiasıyla Hacı Ahmed aleyhine açtıkları davanın meşru olmadığı Galata’da sâkin Yelkenci Mehmed Said ve hemşiresi zâtı şer‘an mu‘arrefe Hafîze bt. el-Hâc Mustafa nâm li-ebeveyn karındaşlar Galata’da mahfil-i kazâda zikri âtî muhterik mülk menzil arsasına bâ-hüccet-i şer‘iyye müstakillen mülkü olmak üzere vâzı‘u’l-yed olan el-Hâc Ahmed b. Ebîbekir muvâcehesinde Galata’ya muzâfe kasaba-i Tophane’de Defterdâr Ebulfazl Mahallesi’nde vâki‘ iki tarafdan Attâr el-Hâc Ya‘kub Efendi ve Yasakçı Mahmud menzilleri ve tarafeyni tarîk-i âm ile mahdûde bir bâb muhterik mülk menzil arsasının üzerinde kâin ebniyesi mevcûd olduğu hâlde nısf hissesi iki yüz altmış dört sehm i‘tibârıyla yirmi bir sehm hissesi vâlidemiz olup verâseti bize münhasıra olduğu hâlde târih-i i‘lâmdan elli sene mukaddem müteveffiye olan Hadice Hatun’un ile’l-vefât yedinde mülkü ve ba‘de vefâtihâ bize hasren mevrûs olmuş iken mezbûr el-Hâc Ahmed menzil-i merkūmu elli seneden beri müstakillen mülkü olmak üzere zabt u tasarruf etmekle yirmi bir sehm hissemizden kasr-ı yedine tenbîh matlûbumuzdur deyü da‘vâ eylediklerinde ol dahi cevâbında menzil-i mezkûra irsen ve şirâen müstakillen mülkü olmak üzere vaz‘-ı yedini ikrâr müteveffiye-i mezbûrenin ol kadar sehm mülkü olduğunu inkârından mâ‘adâ müdde‘iyân-ı mezbûrân elli seneden beri mezbûr el-Hâc Ahmed ile bir beldede sâkinler olup bu müddetde bilâ-özr-i şer‘î sükūt ve terk-i da‘vâ eylediklerini mukırr u mu‘terif olmalarıyla bu makūle bilâ-özr-i şer‘î terk olunan da‘vânın bilâ-emr istimâ‘ı memnû‘ olmağın müdde‘iyân-ı mezbûrân da‘vâ-yı mezkûreleriyle mezbûr el-Hâc Ahmed’e bî-vech-i şer‘î mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 17 C sene [1]221.