Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 240 Hüküm no: 328 Orijinal metin no: [31b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman b. Ahmed’in yağlıkçı emtiası bedelinden Yipisni bt. Kostanti aleyhine açtığı alacak davasında altmış guruşa sulh olduğu Tefeci Süleyman b. Ahmed Galata’da mahfil-i kazâda şahsı mu‘arrefe Yipisni? bt. Kostanti Nasrâniye muvâcehesinde mersûme Yipisni Nasrâniye zimmetinde bundan akdem yedimden ceste ceste iştirâ ve kabz eylediği yağlıkçı emti‘ası semenlerinden cem‘an dokuz yüz guruşdan bâkī dört yüz elli guruş alacak hakkım olmağla hâlâ taleb ederim deyü tasaddî eylediğim da‘vâmdan bâ-vesâtet-i muslihîn mersûm Yipisni Nasrâniye ile altmış guruş bedel-i makbûza ba‘de’s-sulh ve’l-kabûl mâ‘adâ üç yüz doksan guruşa ve bedel-i sulh-ı merkūma müte‘allika âmme-i da‘vâdan herbirimiz âharın zimmetini ibrâ ve iskāt ve herbiri ber-vech-i muharrer âharın ibrâsını kabûl-birle kat‘-ı münâza‘a eyledik deyü ikrâr ve tasdîkleri tescîl bi’[l]-iltimâs huzûr-ı âlîlerine i‘lâm olundu. Fî 20 C sene [1]221.