Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 242 Hüküm no: 333 Orijinal metin no: [32a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Barabyon bt. Haçik’in karzdan iki yüz yirmi guruş alacağı olduğu iddiasıyla boşandığı kocası Terzi Artin v. Agop aleyhine açtığı davada iddiasını ispat edemediği Derûn-ı arzuhâlde mersûmetü’l-ism mu‘arrefetü’ş-şahs Barabyon bt. Haçik nâm Nasrâniye Galata Bâb Mahkemesi’nde meclis-i şer‘de zevc-i mutallıkı sâhib-i arzuhâl Derzi Artin v. Agop nâm zimmî muvâcehesinde mersûm Artin zimmî zevcim iken yedimden ceste ceste istikrâz ve kabz ve mesârifine sarfla istihlâk eylediği iki yüz yirmi guruşu bana vermeyip zimmetinde kalmağla hâlâ taleb ederim deyü ba‘de’d-da‘vâ ve’l-inkâr müdde‘iye-i mersûme Barabyon Nasrâniye ber-vech-i muharrer müdde‘âsına ikāmet-i beyyine edemeyip bi’t-taleb mersûm Artin zimmî ba‘de’t-tahlîfü’ş-şer‘î mûcebince müdde‘iye-i mersûme Barabyon Nasrâniye da‘vâ-yı mezkûresiyle mersûm Artin zimmîye bilâ-beyyine mu‘ârazadan men‘ olunduğu mübâşirleri İsmail Çavuş kulları yediyle huzûr-ı âlîlerine i‘lâm olundu. Fî 29 C sene [1]221.