Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 245 Hüküm no: 340 Orijinal metin no: [32b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Safiye bt. Ahmed’in kızı evlendiğinden yanındaki iki yaşındaki torununa baktığı için kendisine de nafaka vermesi maksadıyla eski damadı Balıkçı Mustafa aleyhine açtığı davanın meşru olmadığı Galata hâricinde Kazgancıbaşı Mahallesi’nde sâkine ve zâtı mu‘arrefe Safiye bt. Ahmed nâm hatun Galata Bâb Mahkemesi’nde meclis-i şer‘de sâbıkā damadı Balıkçı Mustafa b. Abdullah muvâcehesinde mezbûr Balıkçı Mustafa’nın kızım işbu hâzıra bi’l-meclis mu‘arrefetü’z-zât Hüsna bt. Mustafa nâm hatun ile zevciyyet beynlerinde kāime iken mezbûr Mustafa’nın firâşından hâsıla ve kızım mezbûre Hüsna Hatun’dan mütevellide iki yaşında işbu hâzıra bi’l-meclis Sebile nâm sagīreyi kızım mezbûrenin bi-hakkı’l-hıdâne hacr ve terbiyesinde iken sagīre-i mezbûre için babası mezbûr Balıkçı Mustafa üzerine mukaddemâ beher şehr yedişer buçuk guruş nafaka ve kisve-bahâ farz ve takdîr ettirdikden sonra kızım mezbûre nefsini sagīre-i mezbûreye ecnebî kimesneye tezvîc ve hıdâne bana avdet ben dahi sagīre-i mezbûreyi takdîr-i hâkim ve mezbûr Balıkçı Mustafa’nın emri olmaksızın be-dest-i? mütevelliyet kendi mâlımdan infâk ve iksâ etmemle mücerred kızım hâzıra-i mezbûre sagīre-i mezbûre ancak mukaddemâ takdîr-i hâkimle mezbûr Balıkçı Mustafa’dan beher şehr yedişer buçuk guruş nafaka aldığına binâen bana dahi müddet-i mezkûrede sagīre-i mezbûrenin nafakası nâmına beher şehr yedişer buçuk guruşdan cem‘an doksan guruş mâlından bana vermeğe mezbûr Balıkçı Mustafa’ya cebr olunsun deyü tasaddî eylediği da‘vâsı takrîr-i meşrûhu üzere meşrû‘a ve iltifâta şâyân olmadığından mâ‘adâ mezbûr Balıkçı Mustafa’ya suâl dahi teveccüh etmediği bi’l-iltimâs [huzûr-ı âlîlerine i‘lâm olundu.] Fî 4 Receb sene [1]221.