Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 250 Hüküm no: 349 Orijinal metin no: [33b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tâcir Mehmed Memiş Beşe’nin sattığı yağ mumu bedelinden alacağı olduğu iddiasıyla Mellâh Mehmed Beşe aleyhine açtığı davada iddiasını ispat edemediği Tüccârdan Mehmed Memiş Beşe b. Mustafa Galata Bâb Mahkemesi’nde meclis-i şer‘de mellâh tâifesinden Mehmed Beşe b. Halil muvâcehesinde mezbûr Mehmed Beşe bundan akdem yedimden ve mâlımdan iştirâ ve kabz eylediği vezn ve fiyatı beynimizde ma‘lûm şem‘-i revgan semeninden zimmetinde kırk üç guruş alacak hakkım olmağla hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr lâkin mezbûr Mehmed Memiş Beşe ile beynimizde bey‘-i mezkûru fesh ve ikāle ve mebî‘-i merkūmu yedine teslîm edip ol vechile semen-i mezkûrdan zimmetim berî olmuşdur deyü ba‘de’d-def‘ ve’l-inkâr dâfi‘-i mezbûr ber-vech-i muharrer def‘-i mezkûruna ikāmet-i beyyine edemeyip bi’t-taleb mezbûr Memiş Beşe’ye yemîn teklîf olundukda ol dahi yemînden nükûl etmeğin mûcebince müdde‘î-i mezbûr Mehmed Memiş Beşe meblağ-ı mezkûr kırk guruş mütâlebesiyle mezbûr Mehmed Beşe’ye bî-vech mu‘ârazadan men‘ olunduğu bi’l-iltimâs [huzûr-ı âlîlerine i‘lâm olundu.] Fî 8 Receb sene [1]221.