Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 257 Hüküm no: 364 Orijinal metin no: [35a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kazgancı Yorgi v. Kostantin’in karzdan Hallaç Yani v. Lazari’den yirmi altı guruş otuz para alacağı olduğu Mahmiye-i İstanbul’da mütemekkin Kazgancı Yorgi v. Kostantin nâm zimmî Galata Bâb Mahkemesi’nde meclis-i şer‘de Galata’da mütemekkin Hallâc Yani v. Lazari nâm zimmî muvâcehesinde mersûm Yani zimmî zimmetinde cihet-i karzdan yirmi altı guruş otuz para alacak hakkım olmağla hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr yirmi altı guruş otuz paranın müdde‘î-i mersûm Yorgi zimmîye edâsıyla mersûm Yani zimmî ilzâm olunduğu bi’[l]-iltimâs huzûr-ı âlîlerine i‘lâm olundu. Fî 10 Receb sene [1]221.