Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 266 Hüküm no: 380 Orijinal metin no: [37a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Hüseyin Beşe’nin verdiği borçtan Mustafa b. Hasan’dan yüz guruş alacağı olduğu Galata’da mütemekkin Berber Hüseyin Beşe b. Hüseyin nâm kimesne Galata’da mahfil-i kazâda Mustafa b. Hasan muvâcehesinde mezbûr Mustafa zimmetinde cihet-i deyn-i şer‘îden dört yüz guruşdan bâkī yüz guruş alacak hakkım olmağla hâlâ taleb ederim deyü da‘vâ eyledikde ol dahi cevâbında ber-vech-i muharrer tâyi‘an ve kat‘iyyen ikrâr u i‘tirâf etmeğin mûcebince meblağ-ı bâkī-i mezkûr yüz guruşun müdde‘î-i mezbûr Hüseyin Beşe’ye edâsıyla mezbûr Mustafa ilzâm olunduğu bi’l-iltimâs huzûr-ı âlîlerine i‘lâm olundu. Fî 28 Receb sene 1221.