Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 266 Hüküm no: 382 Orijinal metin no: [37a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tâcir Hacı Mehmed Ârif’in zift bedelinden Kalafatçı Salih Beşe’den yüz doksan dokuz guruş on beş para alacağı olduğu Tüccârdan el-Hâc Mehmed Ârif b. Osman nâm kimesne Galata Bâb Mahkemesi’nde meclis-i şer‘de Kalafatçı Salih Beşe b. Hasan nâm kimesne muvâcehesinde mezbûr Salih Beşe zimmetinde bundan akdem yedimden ve mâlımdan iştirâ ve kabz eylediği vezn ve fiyatı beynimizde ma‘lûm zift semeninden yüz doksan dokuz guruş on beş para alacak hakkım olmağla taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı mezkûr yüz doksan dokuz guruş on beş parayı müdde‘î-i mezbûr el-Hâc Mehmed Ârif’e edâsıyla mezbûr Salih Beşe ilzâm olunduğu huzûr-ı âlîlerine i‘lâm olundu. Fî 22 Receb sene 1221.