Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 275 Hüküm no: 398 Orijinal metin no: [38b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kapamacı Avanis v. Kirkor’un havaleden doksan altı guruş alacağını ödemesi için Viçen v. Avanis’e kırk gün süre verdiği Kapamacı Avanis v. Kirkor nâm zimmî Galata Bâb Mahkemesi’nde meclis-i şer‘de Viçen v. Avanis nâm zimmî muvâcehesinde mersûm Viçen zimmî zimmetinde cihet-i havâleden doksan altı guruş alacak hakkım olmağla taleb ederim deyü da‘vâ ol dahi ber-vech-i muharrer ikrâr u i‘tirâf edip lâkin mersûm Viçen zimmî meblağ-ı mezkûr doksan altı guruşu def‘aten edâya kudreti olmayıp târih-i i‘lâmdan kırk gün tamamına tamamen edâ etmek üzere ben mersûm Viçen zimmîyi te’cîl ve taksît eylediğimde ol dahi meblağ-ı mezkûru ecel-i mezkûr hulûlünde tamamen bana edâya ta‘ahhüd eyledi deyü ikrâr ve tasdîkleri tescîl ve bi’[l]-iltimâs huzûr-ı âlîlerine i‘lâm olundu. Fî 9 Ş sene 1221.