Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 282 Hüküm no: 412 Orijinal metin no: [40a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mellâhlar Seyyid Osman, Seyyid İbrahim, Hasan ve Musa’nın Abdurrahman Yazıcı aleyhine açtıkları alacak davasında iddialarını ispat edemedikleri Mellâh tâifesinden es-Seyyid Osman b. Mustafa ve es-Seyyid İbrahim b. Mehmed ve Hasan b. Mehmed ve Musa b. Mehmed nâm kimesneler Galata’da mahfil-i kazâda Abdurrahman Yazıcı b. Abdullah nâm kimesne muvâcehesinde mezbûr Abdurrahman Yazıcı sefînemizde yazıcı olup Anapa kazâsından Âsitâne’ye gelince de’b-i mellâhîn üzere herbirimize ücret-i mellâhiyyeden isâbet eden seksen dörder guruşun altmış yedişer guruşunu teslîm mâ‘adâ on yedişer guruşdan altmış sekiz guruşumuzu bi-gayr-ı hak ahz edip bize vermemekle hâlâ taleb ederiz deyü da‘vâ eylediklerinde ol dahi cevâbında külliyyen ba‘de’l-inkâr müdde‘ûn-ı merkūmûn ber-vech-i muharrer müdde‘âlarına ikāmet-i beyyine edemeyip tahlîfe dahi tâlibler olmamağın mûcebince müdde‘ûn-ı merkūmûn da‘vâ-yı mezkûreleriyle mezbûr Abdurrahman Yazıcı’ya bilâ-beyyine mu‘ârazadan men‘ olunduğu bi’l-iltimâs [huzûr-ı âlîlerine i‘lâm olundu.] Fî 8 Ş sene [1]221.