Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 288 Hüküm no: 427 Orijinal metin no: [41b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Balıkçı Vasil’in, tuzlu balığını kendisine satmayı vaat ettiği halde bir başkasına satan Balıkçı Anaştaş’tan kazancının bir miktarını talep etmesinin meşru olmadığı Balıkçı Vasil v. Ligor zimmî Galata’da mahfil-i kazâda Balıkçı Anaştaş v. Manol zimmî muvâcehesinde mersûm Anaştaş zimmî “eğer semenini ber-vech-i peşin edâ eder ise[n] mâlımdan bu fıçı derûnunda mevcûd tuzlu balığımı sana bey‘ edeyim” deyü va‘ad eyledikde ben dahi semen-i merkūm peşin olduğu ecilden iştirâdan imtinâ‘ etmişidim lâkin mersûm Anaştaş zimmî zikrolunan fıçı derûnunda olan balığı âhara bey‘ eyledikde yüz guruş fâide hâsıla oldu deyü mesmû‘um olmağla mücerred mukaddemâ bey‘ ederim deyü bana va‘adine binâen fâide-i mezkûrenin bir mikdârını bana versin deyü tasaddî eylediği da‘vâsı takrîr-i meşrûhu üzere meşrû‘a olmayıp da‘vâsına iltifât olunmadığı huzûr-ı âlîlerine i‘lâm olundu. Fî 23 Ş sene [1]221.