Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 292 Hüküm no: 436 Orijinal metin no: [42a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hâşime bt. Mustafa’nın boşandığı kocası Kalyoncu İbrahim Beşe’den mehir ve nafaka bedeli olarak otuz yedi guruş alacağı olduğu Mahrûse-i Galata’da Sultan Bayezid Mahallesi’nde sâkine ve zâtı ta‘rîf-i şer‘î ile mu‘arrefe Hâşime bt. Mustafa nâm hatun mahrûse-i mezbûre Bâb Mahkemesi’nde meclis-i şer‘de zevc-i dâhili Kalyoncu İbrahim Beşe b. Mehmed muvâcehesinde mezbûr İbrahim Beşe zevc-i dâhilim olup târih-i kitâb günü beni tatlîk etmekle zimmetinde mütekarrir ve ma‘kūdun-aleyh mehr-i müeccel olan otuz guruş ile nafaka-i iddet-i ma‘lûmem için ta‘yîn olunan yedi guruş ki cem‘an otuz yedi guruşu hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı merkūm otuz yedi guruşun müdde‘iye-i mezbûre Hâşime Hatun’a edâsıyla mezbûr İbrahim Beşe ilzâm olunduğu bi’[l]-iltimâs [huzûr-ı âlîlerine i‘lâm olundu.] Fî 3 N sene 1221.