Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 292 Hüküm no: 435 Orijinal metin no: [42a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Duhanî Kiryako v. İstemat’ın duhan bedelinden Duhanî Mıgırdıç v. Semaven’den iki yüz otuz altı guruş alacağı olduğu Mahmiye-i İstanbul’da Duhân Gümrüğü kurbünde mütemekkin Duhânî Kiryako v. İstemat nâm zimmî Galata Bâb Mahkemesi’nde meclis-i şer‘de Galata’da mütemekkin Duhânî Mıgırdıç v. Semaven nâm zimmî muvâcehesinde mersûm Mıgırdıç zimmî zimmetinde vezn ve fiyatı beynimizde ma‘lûm bâ-temessük duhân semeninden sekiz yüz guruşdan bâkī iki yüz otuz altı guruş alacak hakkım olmağla hâlâ taleb ederim deyü ba‘de’d-da‘vâ ve’l-ikrâr mûcebince bâkī-i mezkûr iki yüz otuz altı guruşun müdde‘î-i mersûm Kiryako zimmîye edâsıyla mersûm Mıgırdıç zimmî ilzâm olunduğu bi’[l]-iltimâs huzûr-ı âlîlerine i‘lâm olundu. Fî 29 Ş sene 1221.