Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 293 Hüküm no: 438 Orijinal metin no: [42a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yağcı Hasan Ağa’nın bal bedelinden Bakkāl Petro v. İstati’den otuz yedi buçuk guruş alacağı olduğu Yağcı Hasan Ağa b. el-Hâc Mustafa Galata Bâb Mahkemesi’nde meclis-i şer‘de Bakkāl Petro v. İstati zimmî muvâcehesinde mersûm Petro zimmî yedimden iştirâ ve kabz eylediği kıyye ve fiyatı beynimizde ma‘lûm asel semeninden dört yüz altmış beş guruşdan bâkī otuz yedi buçuk guruş alacak hakkım olmağla hâlâ taleb ederim deyü da‘vâ eyledikde ol dahi cevâbında ber-vech-i muharrer ikrâr lâkin meblağ-ı bâkī-i merkūm otuz yedi buçuk guruşu bundan akdem şerîkim yediyle kendiye teslîm etmişidim deyü eylediği def‘ini isbâta kādir olmayıp bi’t-taleb mezbûr Hasan Ağa ba‘de’t-tahlîfü’ş-şer‘î mûcebince meblağ-ı bâkī-i merkūm otuz yedi buçuk guruşu müdde‘î-i mezbûr Hasan Ağa’ya edâya mersûm Petro zimmîye tenbîh olunduğu bi’[l]-iltimâs [huzûr-ı âlîlerine i‘lâm olundu.] Fî 2 N sene 1221.