Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 293 Hüküm no: 439 Orijinal metin no: [42a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Duhanî Kiryako’nun karzdan alacağı olduğu iddiasıyla Duhanî Mıgırdıç aleyhine açtığı davada iddiasını ispat edemediği Mahmiye-i İstanbul’da Duhân Gümrüğü kurbünde mütemekkin Duhânî Kiryako v. İstemat nâm zimmî Galata Bâb Mahkemesi’nde meclis-i şer‘de Galata’da mütemekkin Duhânî Mıgırdıç v. Semaven nâm zimmî muvâcehesinde mersûm Mıgırdıç zimmî zimmetinde cihet-i karzdan iki yüz on iki guruş alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mersûm Kiryako zimmî ber-vech-i muharrer müdde‘âsına ikāmet-i beyyine edemeyip bi’t-taleb mersûm Mıgırdıç zimmî ba‘de’t-tahlîfü’ş-şer‘î mûcebince müdde‘î-i mersûm Kiryako zimmî da‘vâ-yı mezkûresiyle mersûm Mıgırdıç zimmîye bilâ-beyyine mu‘ârazadan men‘ olunduğu bi’[l]-iltimâs [huzûr-ı âlîlerine i‘lâm olundu.] Fî 29 Ş sene 1221.