Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 296 Hüküm no: 445 Orijinal metin no: [42b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm Hatun’un mehir, nafaka, barınma bedelinden ve karzdan boşandığı kocası İmameci Halil Ağa’dan yüz kırk guruş alacağı olduğu Galata hâricinde Bedreddin Bey Mahallesi’nde sâkine mu‘arrefetü’z-zât Ümmügülsüm bt. Ali nâm hatun Galata Bâb Mahkemesi’nde meclis-i şer‘de zevc-i mutallıkı İmâmeci Halil Ağa b. Ali nâm kimesne muvâcehesinde mezbûr Halil Ağa zevc-i dâhilim iken cihet-i karzdan zimmetinde alacağım olan otuz guruş ve târih-i i‘lâmdan beş gün mukaddem beni tatlîk etmekle mehr-i müeccel hakkım olan yüz guruş ve nafaka-i iddet ve meûnet-i süknâm için bi’t-terâzî ta‘yîn olunan on guruş ki cem‘an yüz kırk guruşumu mezbûr Halil Ağa’dan taleb ederim deyü da‘vâ ettikde ol dahi cevâbında kaziyye minvâl-i muharrer üzere olduğunu tav‘an ikrâr u i‘tirâf etmeğin alâ-mûcibi ikrârihi meblağ-ı mecmû‘-ı mezkûr yüz kırk guruşun müdde‘iye-i mezbûre Ümmügülsüm Hatun’a edâsıyla mezbûr Halil Ağa ilzâm olunduğu bi’[l]-iltimâs huzûr-ı âlîlerine i‘lâm olundu. Fî 13 Ramazan sene 1221.