Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 308 Hüküm no: 472 Orijinal metin no: [45a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Memiş Beşe’nin birikmiş kira bedelinden Mellâh Kostantin’den yüz kırk beş guruş alacağı olduğu Kasab esnâfından Memiş Beşe b. İbrahim nâm kimesne Galata Bâb Mahkemesi’nde meclis-i şer‘de mellâh tâifesinden Kostantin v. Nikoli nâm zimmî muvâcehesinde mersûm Kostantin zimmîye îcâr ve teslîm eylediğim Galata’da Sultan Bayezid Mahallesi’nde vâki‘ mutasarrıf olduğum bir bâb menzil icâresinden on dört ayda zimmetinde müctemi‘a olan doksan dört guruş ki cem‘an yüz kırk beş guruşu bana vermemekle hâlâ taleb ederim deyü da‘vâ eyledikde ol dahi ber-vech-i muharrer ikrâr u i‘tirâf etmeğin mûcebince meblağ-ı mecmû‘-ı mezkûr yüz kırk beş guruşu müdde‘î-i mezbûr Memiş Beşe’ye edâsıyla mersûm Kostantin zimmî ilzâm olunduğu bi’[l]-iltimâs huzûr-ı âlîlerine i‘lâm olundu. Fî 10 L sene 1221.