Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 309 Hüküm no: 475 Orijinal metin no: [45b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Değirmenci Todori v. Yuvan’ın değirmencilik ücretinden alacağı olduğu iddiasıyla Süleyman b. İbrahim aleyhine açtığı davada yetmiş guruşa sulh olduğu Değirmenci Todori v. Yuvan zimmî Galata Bâb Mahkemesi’nde meclis-i şer‘de Süleyman b. İbrahim muvâcehesinde mezbûr Süleyman zimmetinde değirmencilik ücretinden seksen bir guruş alacak hakkım olmağla hâlâ taleb ederim deyü tasaddî eylediğim da‘vâmdan bâ-vesâtet-i muslihîn mezbûr Süleyman ile yetmiş guruşa ba‘de’s-sulh ve’l-kabûl bedel-i sulh-ı mezkûrdan mâ‘adâ on bir guruşa müte‘allika da‘vâdan mezbûr Süleyman’ın zimmetini kabûlü hâvî ba‘de’l-ibrâ ibrâdan müstesnâ bedel-i sulh-ı merkūm yetmiş guruş mezbûr Süleyman’ın zimmetinde kalmağla hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı mezkûr yetmiş guruşun müdde‘î-i mersûm Todori zimmîye edâsıyla mezbûr Süleyman ilzâm olunduğu bi’l-iltimâs [huzûr-ı âlîlerine i‘lâm olundu.] Fî 19 L sene [1]221.