Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 313 Hüküm no: 482 Orijinal metin no: [46a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fermeneci Yorgi v. Andon’un arak bedelinden alacaklı oluduğu Praşo v. Dimitri’den borcuna kefîl göstermesini talep ettiği Galata’da mütemekkin Fermeneci Yorgi v. Andon nâm zimmî Galata Bâb Mahkemesi’nde meclis-i şer‘de Praşo v. Dimitri nâm zimmî muvâcehesinde mersûm Praşo zimmî zimmetinde Rûmiyyü’l-ibâre bir kıt‘a temessük mantûkunca târih-i temessükden yüz yirmi gün tamamına değin müeccel ve mev‘ûd olmak üzere yedimden iştirâ ve kabz eylediği ma‘lûmü’l-vezn arak-ı Rûmî semeninde üç yüz on beş guruş alacak hakkım olup medyûnum mersûm bu esnâda diyâr-ı âhara azîmet murâd etmekle nefsine Mehmed [nam] kimesneyi kefîl versin deyü da‘vâ eyledikde ol dahi cevâbında ber-vech-i muharrer ikrâr u i‘tirâf eyledikden sonra nefsine ve hîn-i mütâlebede meclis-i şer‘de ihzârına bir kimesneyi kefîl vermeğe ta‘ahhüd eyledikde müdde‘î-i mersûm dahi râzı olup bu vechile kat‘-ı münâza‘a eyledikleri bi’[l]-iltimâs huzûr-ı âlîlerine i‘lâm olundu. Fî 20 L sene 1221.