Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 314 Hüküm no: 483 Orijinal metin no: [46b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Panayot v. Yorgi’nin kereste bedelinden alacağı olduğu iddiasıyla Keresteci Sutiri v. Apostol aleyhine açtığı davada iddiasını ispat edemediği Galata’da mütemekkin Panayot v. Yorgi nâm zimmî Galata Bâb Mahkemesi’nde meclis-i şer‘de Keresteci Sotiri v. Apostol nâm zimmî muvâcehesinde mersûm Sotiri zimmî zimmetinde fiyatı beynimizde ma‘lûm yedimden iştirâ ve kabz eylediği kereste semeninden ba‘de külli’l-hesâb on dört guruş alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mersûm Panayot zimmî ber-vech-i muharrer müdde‘âsına ikāmet-i beyyine edemeyip bi’t-taleb mersûm Sotiri zimmî ba‘de’t-tahlîfü’ş-şer‘î mûcebince mersûm Panayot zimmî da‘vâ-yı mezkûresiyle mersûm Sotiri’ye bilâ-beyyine mu‘ârazadan men‘ olunduğu bi’[l]-iltimâs [huzûr-ı âlîlerine i‘lâm olundu.] Fî 15 L sene 1221.