Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 325 Hüküm no: 501 Orijinal metin no: [49a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yelkenci Manol v. Sideri’nin Mellâh İlya v. Petro aleyhine açtığı alacak davasında iddiasını ispat edemediği Sefîne yelkencilerinden Manol v. Sideri nâm zimmî Galata Bâb Mahkemesi’nde meclis-i şer‘de mellâh tâifesinden İlya v. Petro nâm zimmî muvâcehesinde mersûm İlya zimmî zimmetinde cihet-i karzdan otuz beş guruş alacak hakkım olmağla hâlâ taleb ederim deyü da‘vâ ettikde ol dahi cevâbında ber-vech-i ikrâr meblağ-ı mezkûr otuz beş guruşu müdde‘î-i mersûm Manol zimmînin emriyle gāibân ani’l-meclis Dimitri ve diğer İlya nâm zimmîlere vermişidim deyü ba‘de’d-def‘ ve’l-inkâr dâfi‘-i mersûm ilya zimmî ber-vech-i muharrer müdde‘âsına ikāmet-i beyyine edemeyip bi’t-taleb müdde‘î-i mersûm Manol zimmîye yemîn teklîf olundukda ol dahi yemînden nükûl etmeğin mûcebince müdde‘î-i mersûm Manol zimmî meblağ-ı mezkûr otuz beş guruş mütâlebesiyle mersûm İlya zimmîye bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 28 L sene 1221.