Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 327 Hüküm no: 503 Orijinal metin no: [49b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerbetçi Mihal’in karzdan ve kira ücretinden Kasap Yani aleyhine açtığı alacak davasında seksen guruşa sulh olduğu Şerbetçi Mihal v. Kiryako zimmî Galata Bâb Mahkemesi’nde meclis-i şer‘de Kasab Yani v. Kanco zimmî muvâcehesinde mersûm Yani zimmî zimmetinde cihet-i karzdan üç yüz guruş ve menzil icâresinden müctemi‘ altmış guruş ki cem‘an dört yüz guruş alacak hakkım olmağla hâlâ taleb ederim deyü tasaddî eylediğim da‘vâmdan bâ-tavassut-ı muslihîn mersûm Yani zimmî ile seksen guruşa ba‘de’s-sulh ve’l-kabûl mâ‘adâ üç yüz yirmi guruşa müte‘allika da‘vâmdan mersûm Yani zimmînin zimmetini kabûlü hâvî ba‘de’l-ibrâ ibrâdan müstesnâ bedel-i sulh-ı merkūm seksen guruş zimmetinde kalmağla hâlâ talebe ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı bâkī-i merkūm seksen guruşun müdde‘î-i mersûm Mihal zimmîye edâsıyla mersûm Yani zimmî ilzâm olunduğu bi’[l]-iltimâs huzûr-ı âlîlerine i‘lâm olundu. Fî 7 Ra sene 1221.