Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 331 Hüküm no: 510 Orijinal metin no: [50b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Emine Hatun’un tasarrufundaki vakıf hamam ve menzili Duhanî Seyyid Mehmed Çelebi’ye devretmekten vazgeçtiği Galata’ya muzâfe kasaba-i Kasımpaşa’da Tahtakadı Mahallesi’nde sâkin Duhânî es-Seyyid Mehmed Çelebi b. es-Seyyid Halil nâm kimesne Galata Bâb Mahkemesi’nde meclis-i şer‘de zâtı mu‘arrefe Şerife Emine bt. es-Seyyid Süleyman nâm hatun muvâcehesinde Galata kādıları efendiler dâ‘îleri nezâretlerinde âsûde olan evkāfdan olup kasaba-i mezbûrede vâki‘ ashâb-ı hayrâtdan merhûm İbrahim Ahmed Efendi Vakfı müstegallâtından mezbûre Şerife Emine Hatun[‘un] bi’l-icâreteyn mutasarrıfe olduğu dere hamamını ve ittisâlinde bir bâb menzili bin iki yüz otuz altı guruş bedel mukābelesinde bâ-re’y-i mütevellî bana ferağ va‘ad etmekle ben dahi bedel-i mezkûrun dört yüz guruşunu ber-vech-i peşin mersûme Şerife Emine Hatun yedine teslîmden sonra mezbûre Şerife Emine Hatun zikrolunan hamam ve menzili bana ferağdan imtinâ‘ etmekle bedel-i mezkûrdan bâkī kalan sekiz yüz otuz altı guruşu mezbûrun vekîli Ali Ağa hâzır olduğu hâlde mezbûre Şerife Emine Hatun’un tasdîkiyle tasaddî eylediği da‘vâsı takrîr-i meşrûhu üzere mütevellî hâzır-ı mezbûrdan tasarrufuna izin verilmediğini mukırre ve mu‘terife iken meşrû‘a olmayıp mezbûre Şerife Emine Hatun bî-vech mu‘ârazadan ba‘de’l-men‘ mezbûre Şerife Emine Hatun’un ikrârıyla makbûzu olan meblağ-ı mezkûr dört yüz guruşu mezbûr es-Seyyid Mehmed Çelebi’ye redd ü teslîme mezbûre Emine Hatun’a bi’t-taleb tenbîh olunduğu huzûr-ı âlîlerine i‘lâm olundu. Fî 13 Ra sene 1221.