Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 331 Hüküm no: 509 Orijinal metin no: [50b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi v. İlya ile Yani v. Yorgi’nin Seyyid İbrahim Kapudan aleyhine açtıkları alacak davasında sulh oldukları Sefîne reislerinden olup ashâb-ı sefâyinden es-Seyyid İbrahim Kapudan b. el-Hâc Ali nâm kimesneden reislik ücretinden kırk guruş iddi‘â eden Yorgi v. İlya ve ücret-i mellâhiyyeden otuz guruş iddi‘â eden Yani [v.] Yorgi nâm zimmîler Galata Bâb Mahkemesi’nde meclis-i şer‘de mezbûr İbrahim Kapudan muvâcehesinde mezbûrânın ber-vech-i muharrer mezbûr es-Seyyid İbrahim zimmetinde ciheteyn-i mezkûreteynden cem‘an yetmiş guruş alacak hakları olmağla hâlâ taleb ederim deyü tasaddî eyledikleri da‘vâlarından an-inkâr mersûm Yorgi Reis otuz guruşa mersûm Yani zimmî yirmi guruşa mezbûr es-Seyyid İbrahim ile herbiri bedel-i makbûza ba‘de’s-sulh ve’l-kabûl mâ‘adâya müte‘allika da‘vâdan herbiri mezbûr es-Seyyid İbrahim’in zimmetini kabûlü hâvî ibrâ ve iskāt eyledikleri huzûr-ı âlîlerine i‘lâm olundu. Fî 12 Ra sene 1221.