Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 335 Hüküm no: 519 Orijinal metin no: [51a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mihal v. Petro’nun Panayot Reis v. Paskal aleyhine açtığı alacak davasında otuz beş guruşa sulh olduğu Sefîne reislerinden Mihal v. Petro nâm zimmî Galata Bâb Mahkemesi’nde meclis-i şer‘de Panayot Reis v. Paskal nâm zimmî muvâcehesinde ben bundan akdem mersûm Panayot Reis’in râkib olduğu sefînesine bi-şartü’r-rücû‘ emriyle masrûfum olan yirmi guruş ve yine bi-şartü’r-rücû‘ emriyle gāib ani’l-meclis Varilci diğer Mihal zimmî[ye] deyni olup mâlımdan edâ eylediğim dört guruş ve iki tehî fıçı semeninden otuz iki guruş ve bir sefîne tahtası semeninden on iki guruş ki cem‘an altmış sekiz guruş alacak hakkım olmağla hâlâ bi’l-mürâca‘a taleb ederim deyü tasaddî eylediğim da‘vâmdan bâ-tavassut-ı muslihîn mersûm Panayot Reis ile an-inkâr otuz beş guruşa ba‘de’s-sulh ve’l-kabûl bedel-i sulh-ı mezkûrdan mâ‘adâ otuz üç guruşa müte‘allika da‘vâdan mersûm Panayot Reis’in zimmetini kabûlü hâvî ba‘de’l-ibrâ ibrâdan müstesnâ bedel-i sulh-ı mezkûr otuz beş guruş mersûm Panayot Reis’in zimmetinde kalmağla taleb ederim deyü ba‘de’d-da‘vâ ve’l-ikrâr alâ-mûcibi ikrârihi bedel-i sulh-ı mezkûr otuz beş guruşu müdde‘î-i mersûm Mihal Reis’e edâ ve teslîme mersûm Panayot Reis’e tenbîh olunduğu bi’[l]-iltimâs huzûr-ı âlîlerine i‘lâm olundu. Fî 10 Ra sene 1221.