Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 336 Hüküm no: 521 Orijinal metin no: [51b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe’nin Seyyid Mustafa’da olan alacağını onun ortağı Seyyid Mehmed Çelebi’den talep etmesinin meşru olmadığı Mehmed Beşe b. Hüseyin nâm kimesne Galata Bâb Mahkemesi’nde meclis-i şer‘de es-Seyyid Mehmed Çelebi b. Veliyüddin nâm kimesne muvâcehesinde benim mezbûr es-Seyyid Mehmed Çelebi’nin şerîki gāib ani’l-beled es-Seyyid Mustafa nâm kimesne zimmetinde cihet-i karzdan alacağım olan yüz otuz beş guruşu mezbûr es-Seyyid Mehmed Çelebi gāib-i mezbûrun mücerred şerîki olduğuna binâen mezbûr es-Seyyid Mehmed Çelebi’den taleb ederim deyü tasaddî eylediği da‘vâsı takrîr-i meşrûhu üzere meşrû‘a [ve] iltifâta şâyân olmadığı kendiye tefhîm-birle bî-vech mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 17 Ra sene 1221.