Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 339 Hüküm no: 526 Orijinal metin no: [52a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Reis’in karzdan Aşçı İbrahim Beşe’den otuz altı guruş alacağı olduğu Sefîne reislerinden Ahmed Reis b. el-Hâc Süleyman nâm kimesne Galata Bâb Mahkemesi’nde meclis-i şer‘de sefîne aşçılarından İbrahim b. Süleyman nâm kimesne muvâcehesinde mezbûr İbrahim Beşe zimmetinde cihet-i karzdan altmış dokuz buçuk guruşdan bâkī otuz altı guruş alacak hakkım olmağla taleb ederim deyü ba‘de’d-da‘vâ ve’l-inkâr müdde‘î-i mezbûr Ahmed Reis ber-vech-i muharrer müdde‘âsını lede’t-tezkiye makbûlü’ş-şehâde idükleri ihbâr olunan Ahmed b. Mustafa ve Mustafa Beşe b. İbrahim nâm kimesneler şehâdetleriyle mezbûr İbrahim Beşe muvâcehesinde vech-i şer‘î üzere isbât etmeğin mûcebince meblağ-ı bâkī-i mezkûr otuz altı guruşu müdde‘î-i mersûm Ahmed Reis’e edâ ve teslîme mezbûr İbrahim Beşe’ye tenbîh olunduğu mübâşirleri ağa kapısı mumcularından İbrahim Beşe kulları yediyle huzûr-ı âlîlerine i‘lâm olundu. Fî 12 Ra sene 1221.