Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 344 Hüküm no: 534 Orijinal metin no: [53a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hıristo’nun tasarrufundaki havyarcı mahzeni gediğini Mihal v. Yanaki’ye bin yüz elli guruşa sattığı Mahrûse-i Galata hısnı ebvâbından Karaköy Kapısı dâhilinde Havyar Hanı derûnunda taraf-ı yemînden havyarcı mahzeni fevkinde kâin ahşâbdan oda derûnunda mevcûde şürût-ı nizâma dâhil aklâmda mukayyed mu‘teber gediklerden bâ-defter-i müfredât âlât-ı lâzıme ve eşyâ-i ma‘lûmeye bâ-sûret mâlik olan Hıristo zimmî sâlifü’z-zikr gedik tâ‘bir olunan âlât-ı mezkûreyi tarafeynden îcâb [ve] kabûlü hâvî şürût-ı müfsideden ârî bey‘-i bâtt-ı sahîh-i şer‘î ve safka-i vâhide ile Mihal v. Yanaki zimmîye bin yüz elli guruşa bey‘ ve temlîk ve yedinde olan sûreti teslîm ve semen-i merkūm bin yüz elli guruş müşteri-i mersûm Mihal zimmî yedinden tamamen ahz u kabz eylediğini meclis-i şer‘-i münîrde ba‘de’l-ikrâr ve’t-tasdîk gedik-i merkūm bâyi‘-i mersûm Hıristo zimmî üzerinden müşteri-i mesfûr Mihal zimmî üzerine tashîh ve kaydına şerh ve müşteri-i mesfûr Mihal zimmî üzerine tashîh ve kaydına şerh ve müşteri-i mersûm yedine sûret verilmek iktizâ eylediği Galata Bâb Mahkemesi’nde huzûr-ı âlîlerine i‘lâm olundu. Fî 22 Za sene 1221.