Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 343 Hüküm no: 533 Orijinal metin no: [52b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sâbire bt. Bayram’ın kasden evinin bir kısmını tamir etmediği iddiasıyla Vartan v. Bogos aleyhine açtığı alacak davasında iddiasını ispat edemediği Galata’da Câmi‘-i kebîr Mahallesi’nde sâkine mu‘arrefetü’z-zât Sâbire bt. Bayram nâm hatun Galata Bâb Mahkemesi’nde meclis-i şer‘de diğer [V]artan v. Bogos nâm zimmî muvâcehesinde mersûm Vartan zimmî mahalle-i mezkûrede vâki‘ sâkine olduğum menzilimin ba‘zı mahallerini ta‘mîr etmek için ber-vech-i peşîn zimmî-i mersûma mâlımdan otuz beş guruş verip ol dahi ba‘de’l-kabz menzil-i mezkûrun kasden bir mahallini ta‘mîr etmeyip meblağ-ı mezkûr yedinde kalmağla istirdâd ederim deyü ba‘de’d-da‘vâ ve’l-inkâr müdde‘iye-i mersûme ba‘de’t-tahlîfü’ş-şer‘î mûcebince müdde‘iye-i mezbûre Sâbire hatun zimmîye bilâ-beyyine mu‘ârazadan men‘ olunduğu bi’[l]-iltimâs [huzûr-ı âlîlerine i‘lâm olundu.] Fî 14 Za sene 1221.