Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 345 Hüküm no: 536 Orijinal metin no: [53a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saka Haçador’un kendisine kiraya verdiği saka gediğini elinden alıp aralarındaki kira sözleşmesini iptal eden Saka Zakar aleyhine açtığı alacak davasının meşru olmadığı Galata hâricinde Hüseyin Ağa Mahallesi’nde mütemekkin Saka Haçador v. Artin nâm zimmî Galata Bâb Mahkemesi’nde meclis-i şer‘de Galata hâricinde Beyoğlu nâm mahalde Maksem-i hümâyûn çeşmesi sakalarından Zakar v. Ohan nâm zimmî muvâcehesinde mersûm Zakar dahi çeşme-i merkūme sakalarından olup saka gediği tâ‘bir olunur yedinde emvâli olan bir kırba ve bir arkalık ve bir tas ve bir kamışını beher şehr altışar guruşa bana îcâr ve teslîm ben dahi ber-vech-i muharrer istîcâr ve kabûl ve târih-i i‘lâma gelince altı sene sakalık etmişidim altı senede müctemi‘a olan dört yüz otuz iki guruş icâreyi mâh be-mâh kendiye teslîm etmişidim ba‘dehû fesh-i îcâr ve eşyâ-i mezkûreyi yedimden ahz etmekle kendiye medfû‘um olan icâre-i meblağ-ı mecmû‘-ı mezkûr dört yüz otuz iki guruşu mersûm Zakar zimmîden istirdâd ederim deyü tasaddî eylediği da‘vâsı takrîr-i meşrûhu üzere meşrû‘a ve iltifâta şâyân olmayıp mersûm Zakar zimmîye bî-vech mu‘ârazadan men‘ olunduğu bi[‘l]-iltimâs [huzûr-ı âlîlerine i‘lâm olundu.] Fî 25 Za sene 1221.