Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 349 Hüküm no: 542 Orijinal metin no: [54a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Neccar Praşkova v. Simyon’un neccarlık ücretinden alacağı olduğu iddiasıyla Kalfa İstemat v. Yorgi aleyhine açtığı davada iddiasını ispat edemediği Neccâr tâifesinden Praşkova v. Simyon nâm zimmî Galata Bâb Mahkemesi’nde meclis-i şer‘de neccâr kalfalarından İstemat v. Yorgi nâm zimmî muvâcehesinde mersûm İstemat zimmî zimmetinde izin ile kendiye eylediğim ücret-i neccâriyemden cem‘an alacağım olan altı yüz guruşun otuz guruşunu yedinden ba‘de’l-ahz bâkī kalan beş yüz yetmiş guruş mersûm İstemat zimmîden taleb ederim deyü ba‘de’d-da‘vâ ve’l-inkâr müdde‘î-i mersûm Praşkova zimmî ber-vech-i muharrer müdde‘âsına ikāmet-i beyyine edemeyip bi’t-taleb mersûm İstemat zimmî ba‘de’t-tahlîfü’ş-şer‘î mûcebince müdde‘î-i mersûm Praşkova zimmî meblağ-ı bâkī-i merkūm beş yüz yetmiş guruş mütâlebesiyle mersûm İstamat zimmîye mu‘ârazadan men‘ olunduğu bi[‘l]-iltimâs huzûr-ı âlîlerine i‘lâm olundu. Fî 29 Za sene 1221.